सविन महर्जनको पोस्टमार्टम गर्ने तयारी

चैत १५ गते काठमाडौंको तीनकुनेमा राजावादी समुहले गरेको आन्दोलनका क्रममा मृत्यु भएका कीर्तिपुरका २९ बर्षीय सविन महर्जनको पोस्टमार्टम प्रक्रिया अगाडि बढेको महाराजगञ्जस्थित त्रिवि शिक्षण अस्पतालको फरेन्सिक विभाग श्रोतले जानकारी दिएको छ ।

महाराजगञ्जस्थित त्रिवि शिक्षण अस्पतालको फरेन्सिक विभागले साँझसम्ममा पोस्टमार्टम रिर्पोटसहित परिवारलाई शव जिम्मा लगाउँने तयारि गरेको छ ।

शुक्रवार भएको प्रदर्शनमा महर्जनको गोलि लागि निधन भएको थियो । महर्जनको मृत्युको बिषयमा सामाजिक संजालमा सरकार र प्रहरी प्रशासनको बिरोध भैरहेको अवस्थामा हिजो प्रधानमन्त्री के.पी शर्मा ओली र मृतक परिवार बीच भेटवार्ता भए पछी सबिन महर्जनको पोस्टमार्टम गर्न पिडित परिवार तयार भएको महर्जनको पारिवारिक श्रोतले जानकारी दिएको हो ।