रविन्द्र मिश्र र धवल शम्सेरलाई थपियो पाँच दिनको म्याद

चैत १५ गते काठमाडौंको तीनकुनेमा भएको राजावादी समुहको आन्दोलन भड्काउने कार्य गरेको आरोप सहित पक्राउ परेका रास्ट्रीय प्रजातन्त्र पार्टीका राष्ट्रिय प्रजातन्त्र पार्टी (राप्रपा) का सांसद धवलशमशेर जबरा र वरिष्ठ उपाध्यक्ष रवीन्द्र मिश्रलाई पाँच दिन थुनामा राखी अनुसन्धान गर्न जिल्ला अदालत काठमाडौंले पाँच दिनको म्याद थप गरेको छ ।

तीनकुने घटनामाथि अनुसन्धान गरिरहेको प्रहरीले मिश्र, जबरा लगायत ११ जनालाई राज्यविरुद्धको अपराधको आरोपमा मुद्दा चलाएको हो ।

प्रहरीले करिब एक सय जनाको हाराहारीमा पक्राउ गरेपछि अहिलेका लागि ४२ जनालाई मात्रै अदालतमा पेस गरेर अनुसन्धानको प्रक्रिया अघि बढाएको छ । पक्राउ परेका भद्र प्रसाद नेपाल लगायतहरुलाई भने प्रहरीले हाजिरी जमानीमा छाडेको छ । प्रहरीले पक्राउ गरेको दिन देखिनै गणना हुने भएकाले म्याद थप गरिएकालाई मंगलबार अदालत पेश गर्ने छ ।