बागमती प्रदेशको स्वास्थ्य मन्त्रालयमा कार्यरत स्वास्थ्य सचीव डाक्टर सुमित्रा गौतमले आफू भक्तपुर अस्पतालको प्रमुख हुँदा गरेको बदमासी सार्वजनिक भएको छ ।
केही दिन अघिमात्र उनै सचिव गौतम भक्तपुर अस्पताल प्रमुख हुँदा खरिद गरेको सिटि स्क्यान मेसिनको कमिसन खेल सेलाउन नपाउदै अर्को तथ्य बाहिरिएको हो । सचिव गौतमले भक्तपुर अस्पतालमा आफू अस्पताल प्रमुख हुँदा कमिसनको चक्रमा अस्पतालमा प्रयोग नहुने सामन समेत खरिद गरेको पाइएको हो । तत्कालीन भक्तपुर अस्पतालकि प्रमुख डाक्टर सुमित्रा गौतमले खरिद गरेको टिएफटि कार्डियो मेसिन जुन १० लाख बराबरमा खरिद गरिएको थियो ।उक्त कार्डियो मेसिन अहिले सम्म पनि संचालनमा आएको छैन । उक्त कार्डियो मेसिन खरिद गरे पश्चात् अहिले सम्म पनि उक्त मेसिनको प्याकिङ समेत खोलिएको छैन । अस्पतालमा नचाहिने सामाग्री खरिद गर्नु नितिगत भ्रष्टाचार रहेको बताइन्छ ।
गौतमले भक्तपुर अस्पतालमा न्युरो सम्बन्धी कुनै विशेषज्ञ नभएको अवस्थामा न्युरो सम्बन्धी इक्युमेन्ट खरिद गरेर कमिसनको लोभमा परेको पाइएको हो । भक्तपुर अस्पतालमा गौतम प्रमुख हुँदा जेठ महिनामा खरिद गरेको ५० लाख बरावरको न्युरो ड्रील मेसिन खरिद गरेको र उक्त मेसिन हाल सम्म पनि प्रयोगमा नआएको पाइएको हो । जब अस्पतालमा न्युरो विशेषज्ञनै नभएको अवस्थामा सचीव गौतमले उक्त मेसिन किन खरिद गरेको भनेर स्वास्थ्य मन्त्रालयमा समेत हङामा भएको छ ।
तत्कालिन अस्पताल प्रमुख डाक्टर सुमित्रा गौतमले के र किन यो न्युरो ड्रील मेसिन खरिद गर्नु भो उनै जानुन तर यो मेसिन अहिले सम्म प्रयोगमा आएको छैन अस्पतालका एक कर्मचारिले बताए ।
भक्तपुर अस्पतालमा प्रमुख हुँदा डाक्तर गौतमले एम एस एस अनुसार सबै अस्पतालमा आउने २० लाख बजेटलाई उन्ले टुक्रे योजना बनाई अस्पतालमा आवश्यक नरहेको सामाग्री खरिद गरेको समेत पाइएको छ । गौतमले खरिद गरेका सामन अहिले सम्म प्रयोगमा आउन नसक्नुले गौतमले नितिगत भ्रष्टाचार गरेको आरोप उनी माथी लाग्दै आएको छ ।
सरकारले सबै अस्पतालमा न्युनतम गुणस्तर सेवा अन्तर्गत बिनियोजन गरेको बजेट समेत अनावश्यक क्षेत्रमा खर्च भएको पाइएको हो ।
हाल बागमती प्रदेश सरकार स्वास्थ्य मन्त्रालयमा कार्यरत रहेकी सचीव डाक्टर सुमित्रा गौतमले भ्रष्टाचार गरेको भन्दै अख्तियर दुरुपयोग अनुसन्धान आयोगमा उजुरिको चाङ रहेको पाइएको हो । स्वास्थ तथा जनसंख्या मन्त्रालयका जेनजी मन्त्री सुधा गौतम समेतलाई स्वास्थ्य मन्त्रालय बागमती प्रदेशकि सचीव सुमित्रा गौतमले गरेको नितिगत भ्रष्टाचारको बिषयमा जानकारी गराएको स्रोतले दाबी गरेको छ भने यता प्रधानमन्त्री कार्यालयले समेत चासोका साथ यो बिषयलाई हेरिरहेको पाइएको छ ।
प्रतिक्रिया