नेकपा एमाले मकवानपुर जिल्ला अध्यक्ष श्रीधर पोखरेल स्कुटर दुर्घटना बाट सख्त घाइते हुनु भएको जिल्ला प्रहरी कार्यालय मकवानपुरले बताएको छ ।
चैत १३ गते बिहान अन्दाजी ८ बजेको समयमा हेटौंडा उपमहानगरपालिका ५ पुष्पलाल पार्क अगाडी भित्री सडकमा स्कुटर दुर्घटना भएको हो ।
पोखरेल घर बाट हेटौंडा बजार निस्कने क्रममा दुर्घटना भएको खुलेको छ । पोखरेल बा.प्र ३-००१-प-५८०७ नम्बरको आफैले चलाएको स्कुटर एक्कासि ब्रेक फेल भै अनियन्त्रीत हुँदा दुर्घटना भएको प्रहरीले बताएको छ ।
स्कुटर दुर्घटनामा घाइते भएका नेकपा एमाले मकवानपुर अध्यक्ष श्रीधर कुमार पोखरेलको अहिले हेटौडा अस्पतालको अईसियु कक्षमा उपचार भैरहेको छ । दुर्घटनामा घाइते पोखरेलको टाउको, निधार तथा दाँया हातमा चोट लागेको र पछिल्लो अवस्था उनि अचेत अवस्थामानै रहेको जिल्ला प्रहरी कार्यालय मकवानपुरका सुचना अधिकारी श्यामु अर्यालले जानकारी दिनु भएको छ ।
प्रतिक्रिया