राष्ट्रिय स्वतन्त्र पार्टी (रास्वपा) का सभापति रवि लामिछानेले सामाजिक संजाल मार्फत सम्मानित अदालतको आदेशको सम्मान गर्दै म आफै आजै अहिलेनै गिरफ्तारी दिंदैछु । साथै न्यायालयका अन्य ढोकाहरु मेरा लागि खुल्ला होलान नै । न्यायका लागि दुनियाँका सबै ढोका ढकढकाउछु । म माथि ठुलो अन्याय भएको छ । चितवनको सभा नारोक्नुस भन्दै सामाजिक संजालमा लेख्ने बितिक्कै रविलाई पक्राउ गर्न प्रहरी घरमै पुगेको छ ।
संगठित रुपमा सहकारी ठगी गरेको आरोप खेपिरहेका रास्वपा सभापति रवि लामिछानेलाई उच्च अदालतको बुटवल इजलासले थुनामा पठाउन आदेश दिएसँगै प्रहरी घरमा पुगेको हो ।
अहिले उनको निवास बुढानीलकण्ठमा प्रहरीको उपत्यका अपराध अनुसन्धान कार्यालयको टोली पुगेको छ । रवि लाई आजै पक्राउ गरि न्यायिक हिरासतमा पठाउने तयारि भैरहेको उच्च प्रहरी अधिकारीले बताए ।
प्रकाशित मिति: २२ चैत्र २०८१, ०९:२६ बजे
प्रतिक्रिया