बागलुङ बजारमा स्कूल बस दुर्घटना हुँदा २६ विद्यार्थी घाइते भएका छन् ।
बागलुङ नगरपालिका–१ रामरेखादेखि रातामाटातर्फ जाँदै गरेको ‘न्यू एभरेष्ट बोर्डिङ स्कूल’को ग ३ च ८६२१ नम्बरको बस आज दुर्घटना भएको हो । दुर्घटनाका घाइतेलाई उपचारका लागि धौलागिरि अस्पताल लगिएको सहायक प्रमुख जिल्ला अधिकारी नवराज बरालले जनाकारी दिनुभयो । घाइतेमध्ये तीन जनाको अवस्था गम्भीर छ ।
उक्त स्कूल बस मध्यपहाडी लोकमार्गबाट करिब ६० मिटर तल खसेको सहायक प्रजिअ बरालले बताउनुभयो । घाइते विद्यार्थीको पहिचान खुल्न नसकेको जिल्ला प्रहरी कार्यालय बाग्लुङले बताएको छ ।
प्रकाशित मिति: २९ माघ २०८२, ०७:५६ बजे
प्रतिक्रिया