फागुन २१ गते हुने निर्वाचन लक्षित गरेर मकवानपुरका दुवै क्षेत्रका उमेद्वार चुनावी रणनीति बनाउने देखि मतदाता भेटघाट गर्नमै व्यस्त रहेको पाइएको छ । मकवानपुरको दुवै क्षेत्रमा युवा देखि राजनीतिक अनुभवी उमेद्वारहरु प्रतिस्पर्धामा देखिएका छन । जनताको मत आफु केन्द्रित बनाउन उमेद्वारहरु जनताको घरदैलो कार्यक्रमामा बिहान देखि बेलुका अवेर सम्म मतदाताकै घर आँगनमा भेटिन थालेका छन ।
मकवानपुरको दुवै क्षेत्रमा गरेर ४४ जना उमेद्वार चुनावी प्रतिस्पर्धामा होमिएको अवस्थामा मकवानपुरको प्रतिनिधि सभा क्षेत्र नम्बर २ मा भने राष्ट्रिय प्रजातन्त्र पार्टी (राप्रपा) का उमेद्वार रामबहादुर थोकरले बिभिन्न समूह बनाएर आफ्नो निर्वाचन क्षेत्रमा चुनावी अभियानलाई तिब्रता दिएका छन । जनताको सेवक बन्ने अभियान सहित थोकर यति बेला जनताको घर दैलो कार्यक्रमामा व्यस्त रहेको थोकरको सचिवालयका संगिन श्रेष्ठले जानकारी दिएका हुन् । कुनै समय राप्रपाको आधार क्षेत्र भनेर चिनिएको मकवानपुरलाई पुन आफ्नै विरासतमा ल्याउने अभियान सहित राप्रपाका उमेद्वार थोकर चुनावी अभियानमा होमिएको थोकरको सचिवालयले बताएको छ । सादगी एवं जनताको सेवक भनेर परिचित बनेका थोकर जनताबाट सहज रुपमा अनुमोदित हुने अपेक्षा सहित फागुन २१ को निर्वाचनमा उमेद्वार बनेको स्रोतको दावी रहेको छ ।
मकवानपुरको कैलाश गाउँपालिका नामटारमा जन्मिएका थोकरको चुनावी अभियान अन्तर्गत माघ १० गते हेटौँडा उप-महानगपालिका वडा नम्वर ३ बसामाडी लेवर्टमा राष्ट्रिय प्रजातन्त्र पार्टी, मकवानपुर क्षेत्र नं. २ का उम्मेदवार श्री रामबहादुर थोकरको वडा नं. ३, ११ र १९ लाई केन्द्रित गरेर सयुक्त सम्पर्क कार्यालय स्थापना भएको छ भने माघ ११ गते मनहरी गाउँपालिका वडा नं. ८, सिम्पानीमा राष्ट्रिय प्रजातन्त्र पार्टी मकवानपुर निर्वाचन क्षेत्र नं. २ का उम्मेद्वार श्री रामबहादुर थोकरको सम्पर्क कार्यालय स्थापना भएको छ ।
सधै जनताका माझ जनताकै सेवक भएर काम गरेको र आफ्नो राजनीतिक जीवनशैलीकै कारण मकवानपुर संघिय क्षेत्र नम्वर २ सधै जनता बीच परिचित अनुहार रहेकै कारण फागुन २१ को निर्वाचनमा जनताको मन र मत दुवै जित्ने गरि चुनावी अभियानमा लागेको थोकरले बताए । चुनावी अभियानमा प्रतिनिधि सभा मकवानपुर क्षेत्र नम्वर २ का मतदाताले थोकरलाई संसदीय यात्राको शुभकामना दिएका हुन् ।
प्रतिक्रिया