आक्रामक रुपमा आन्दोलन थालेको राजावादी समुहले आज पनि आन्दोलनलाई निरन्तरता दिने भएको छ । जेठ १५ गते बिशाल जनसागर सहित राजधानीमा प्रदर्शन गरेको राजावादी समुहले आज पनि आन्दोलनलाई निरन्तरता दिने भएको राप्रपाले बताएको छ ।
राजावादी समूहले आज राजधानीको माइतीघर क्षेत्रमा प्रदर्शन गर्ने भएका छन् । राजसंस्था पुनर्स्थापनाका लागि संयुक्त जनआन्दोलन समितिको संयोजनमा माइतीघरमा प्रदर्शन हुन लागेको राप्रपाका प्रवक्ता सगुन सुन्दर लावतीले जानकारी दिए ।
यसअघि राजावादी समूहले बिहीबार राजधानीको शान्तिबाटिका क्षेत्रमा प्रदर्शन गरेको थियो ।
राजावादी समूहले राजसंस्था र हिन्दुराष्ट्रको पुनर्स्थापनाका साथै संघीयता खारेजीको माग गरेर बिहीबारदेखि अनिश्चितकालीन आन्दोलन सुरु भएको बताएको छ ।
राजावादी समूहमा राप्रपा, राप्रपा नेपालसहितका हिन्दुवादी र राजावादी संघसंगठन रहेका छन् ।
प्रतिक्रिया