मकवानपुर । मकवानपुरको हेटौंडा उपमहानगरपालिका वडा नम्बर ३, बसामाडीमा भएको मोटरसाइकल दुर्घटनामा परी एक जना युवकको मृत्यु भएको छ ।
गएराती हेटौंडाबाट बस्तीपुरतर्फ गइरहेको ०३-००३ प ७२१४ नम्बरको मोटरसाइकल बसामाडीमा सडक निर्माणका लागि डिभिजन सडक कार्यालयले थुपारेको ढुंगामा ठोकिएर अनियन्त्रित भई पल्टिएको थियो ।
दुर्घटनामा मनहरी गाउँपालिका ३ का ३२ बर्षीय कृष्णहरी कार्कीको मृत्यु भएको प्रहरीले जनाएको छ ।
मकवानपुर प्रहरीका अनुसार दुर्घटनामा घाइते भएका उनको हेटौंडा ११ स्थित चुरेहिल अस्पतालमा उपचारका क्रममा मृत्यु भएको हो ।
प्रकाशित मिति: २७ असार २०७८, १०:२९ बजे
प्रतिक्रिया