अघोल्लो बर्षको एसईइ परिक्षामा जिल्ला प्रथम भएको हेटौंडा उपमहानगरपालिका ९ मा रहेको श्री प्रगति माध्यामिक बिद्यालयमा कक्षा ९ अध्यानरत ४ जना छात्रा सम्पर्क बिहिन भएको ९ घण्टा पछी इलाका प्रहरी कार्यालय मकवानपुरको सक्रियतामा सम्पर्कमा आएका छन ।
बिहान पढ्न बिद्यालय गएका विद्यार्थी विद्यालयबाटनै गायब भएका हुन् । बिद्यालय प्रशासनको लापरवाहीको कारण बिद्यालय हाता भित्र बाट ४ जना सम्पर्क बिहिन भए पछी अविभावक हरु पिडामा परेका थिए । हराएका ४ जना विद्यार्थीका अविभावकले बिद्यालय गएका आफ्ना छोरीहरु खोजिदिन बिद्यालय प्रशासन र प्रहरी प्रशासनमा अनुरोध गरे पछी इलाका प्रहरी कार्यालय पशुपतिनगरले खोजि कार्यलाई तिब्रता दिएको थियो ।
प्रहरीले सुरुमा हराएका ४ मध्ये एक जनालाई सम्पर्कमा ल्याउन सफल भएको थियो । उनै भेटिएका १ जनालाई प्रहरीले थप सोधपुछ गर्दा अन्य ३ जना हेटौंडा ४ कमलाडाँडा स्थित आफन्तको घरमा रहेको सुचना प्राप्त हुना साथ प्रहरी निरिक्षक बिमला कुमारी कठायत सहितको टोलिले अन्य तिन जनालाई समेत सम्पर्कमा ल्याउन सफल भएको हो । प्रगति माध्यमिक बिद्यालयमा अध्यानरत ४ जना छात्रा एका एक बिद्यालय परिसरबाट गायव भए पछी बिद्यालय प्रशासनको कमजोरी कति छ भन्ने कुरा प्रस्ट भएको छ ।
हराएर पुन भेटिएका विद्यार्थी किन बिद्यालय छोडेर भाग्नु पर्ने अवस्थामा पुगे भन्ने बिषय खुल्न नसकेको प्रहरी स्रोतले बताएको छ । बिद्यालय प्रशासनको कार्यसैली प्रति अविभावकले प्रश्न खडा गर्नु पर्ने अवस्था आएको स्थानीयले बताएका छन । बिद्यालय बाट ४ जना विद्यार्थी फरार भएको बिषयमा विद्यालयका प्रधानाध्यापक किशोर पराजुली संग बुज्दा उनि भन्छन बिद्यलायाको सानो गेट बाट बाहिरिएर भागेछन हामि भाग्नुको कारण बुज्दै छौ । प्रधानाध्यापक पराजुलीले बिद्यालयबाट विद्यार्थी बाहिरिएको स्वीकार गरे ।
अध्यान गर्न बिद्यालय पुगेका विद्यार्थी विद्यालयबाट भाग्नु पर्ने अवस्था आउनुमा बिद्यालय प्रशासन कमजोर भएको आरोप लागेको छ । बिद्यालय व्यवस्थापन समितिका अध्यक्ष ज्ञानेन्द्र लामिछाने सित् प्रतिक्रिया लिन टेलिफोन सम्पर्क गर्दा सम्पर्क हुन् सकेन ।
प्रतिक्रिया